එක්සත් රාජධානියේ දිගු කලක් රැඳී සිටින්නන් වෙනුවෙන් legal status ලබා ගැනීම සඳහා අයදුම් කිරීම. 

එක්සත් රාජධානියේ සංක්‍රමණික නීතිය (Immigration law) යටතේ මා සීමාව ඉක්මවා රැඳී සිට ඇත්නම් නීතිමය තත්ත්වය (legal status) සඳහා අයදුම් කිරීමට ඇති විකල්ප මොනවාද? 

එක්සත් රාජධානියේ සංක්‍රමණික නීතිය යටතේ, ඔබ සීමාව ඉක්මවා රැඳී සිට  ඇත්නම් සහ legal status සඳහා අයදුම් කිරීමට බලාපොරොත්තු වන්නේනම්, ඒ සඳහා ඇති විකල්ප කිහිපයක්: 

1. මානව හිමිකම් අයදුම්පත: 

• ඔබ එක්සත් රාජධානියේ දිගු කලක් ජීවත් වන්නේ නම් සහ විශේෂයෙන් ඔබට එක්සත් රාජධානියේ පවුලක් (සහකරුවකු/සහකාරියක (කලත්‍රයකු) හෝ දරුවන් වැනි) සිටී නම්, මානව හිමිකම් පිළිබඳ යුරෝපීය සම්මුතියේ 8 වන වගන්තිය (පවුල සහ පෞද්ගලික ජීවිතයට ගරු කිරීමේ අයිතිය) මත පදනම්ව මානව හිමිකම් අයදුම්පතක් ඉදිරිපත් කිරීමට හැකි විය හැක. 
• දරුවන් සඳහා, විශේෂයෙන් එක්සත් රාජධානියේ වසර 7 කට වැඩි කාලයක් ජීවත් වූ දරුවන්ගේ පවුල්වලට legal status සඳහා අයදුම් කිරීමට අවස්ථාවක් තිබිය හැක. 

2. පවුලේ සාමාජික Visa: 

ඔබේ සහකරු පහත සඳහන් නිර්ණායකයන්ගෙන් එකක් සපුරාලන්නේ නම්, ඔබට family visa යටතේ legal status සඳහා ඉල්ලුම් කළ හැක:

• Partner route
  • ඔබේ සහකරු එක්සත් රාජධානියේ හෝ අයර්ලන්ත පුරවැසියෙක්;
  • Indefinite Leave to Remain, පදිංචිය හෝ Indefinite Leave to Remain සහතිකයක් වැනි එක්සත් රාජධානියේ පදිංචිය තහවුරු වීමේ තත්වයක්;  
  • පූර්ව පදිංචි වීසා තත්ත්වය සහිත EU, ස්විට්සර්ලන්තය, නෝර්වේ, අයිස්ලන්තය හෝ ලික්ටන්ස්ටයින් වැනි රටවල සිට පැමිණීම – ඔවුන් 2021 ජනවාරි 1 වන දිනට පෙර එක්සත් රාජධානියේ පදිංචිය ආරම්භ කර තිබිය යුතුය;
  • තුර්කි ව්‍යාපාරික වීසා බලපත්‍රයක් හෝ තුර්කි සේවක වීසා බලපත්‍රයක් තිබීම;
  • ආරක්ෂණ තත්ත්වය (උදා: සරණාගත පදිංචි බලපත්‍රය, සරණාගත රැඳී සිටීමේ බලපත්‍රය හෝ මානුෂීය ආරක්ෂණ තත්ත්වය);
  • පුරවැසිභාවය නොමැති පුද්ගලයින් සඳහා පදිංචි බලපත්‍රයක් දරන්නන්

• Parent route
  • ඔබේ දරුවාට එක්සත් රාජධානියේ ජාතිකත්වය, ස්ථිර පදිංචිය හෝ එක්සත් රාජධානියෙහි EU පූර්ව පදිංචිය තිබීම;  
  • ඔබේ දරුවා වයස අවුරුදු 18 ට අඩු වීම;
  • ඔබට ස්වාධීන භාරකාරත්වය ඇති බව තහවුරු කිරීම හෝ;
    • දරුවාගේ දෙමාපියන්ගේ  අනෙක් පාර්ශවය සාමාන්‍යයෙන් එක්සත් රාජධානියේ පදිංචි එහි පුරවැසියෙකු, ස්ථිර පදිංචිකරුවෙකු හෝ EU කලින් තීරණය කළ පදිංචිකරුවෙකු වීම;  
    • සහ අයදුම්කරු සම්බන්ධතාවයක නොසිටීම;
  • අයදුම්කරුවන්ට direct visitation අයිතිය ඇති බව ඔප්පු කිරීමට අවශ්‍ය වේ;
  • දරුවාගේ සංවර්ධනයට ක්‍රියාකාරීව සහභාගී වන බව සහ  අනාගතයේදී සම්බන්ධ වන බව; 

3. සරණාගත හිමිකම් පෑම:

• ජාතිය, ආගම, ජාතිකත්වය, සුවිශේෂ සමාජ කණ්ඩායමක සාමාජිකත්වය හෝ දේශපාලන මතය නිසා ඔබ පීඩාවන්ට මුහුණ දෙන්නේ නම්, ඔබට Asylum සඳහා ඉල්ලුම් කිරීමට හැකි වේ.   ඔබේ Asylum Claim සාර්ථක නම්, ඔබට legal status ලබා දෙනු ඇත. 

4. අභිමතය පරිදි රැඳී සිටීම: 

• ඇතැම් විශේෂ තත්ව යටතේ, අයදුම් කිරීම සඳහා ඔබට වෙනත් නීතිමය මාර්ගයක් නැති අවස්ථාවක වුව ද, තාවකාලික හෝ දිගු කාලීන පදනම මත ඔබට legal status ලබා දීම   පිළිබඳ ස්වදේශ කටයුතු කාර්යාලය සලකා බැලිය හැක. 

මගේ අයදුම්පත යොමු කිරීමෙන් පසු එක්සත් රාජධානි ස්වදේශ කටයුතු කාර්යාලය විසින් මා අත්අඩංගුවට ගනු ලැබීය හැකිද? 

ඔබ සම්පූර්ණ සහ වලංගු අයදුම්පතක් ඉදිරිපත් කළ විට, එක්සත් රාජධානියේ ආගමන බලධාරීන් සාමාන්‍යයෙන් ඔබව ස්වයංක්‍රීයව රටින් ඉවත් කරන්නේ නැත. ඊට හේතුව වන්නේ ඔබ නීතිවිරෝධී ලෙස තවදුරටත් වර්ගීකරණය කිරීමට ස්වදේශ කටයුතු කාර්යාලයට නොහැකි වීමයි. එබැවින් ඔබව අත්අඩංගුවට ගැනීමට සහ ඉවත් කිරීමේ ක්‍රියාමාර්ග ආරම්භ කිරීමට හේතුවක් ලෙස එය භාවිත කළ නොහැක. ඒ වෙනුවට, ඔවුන් පළමුව ඔබේ අයදුම්පත සකස් කර, ඔබේ වලංගු අයදුම්පත සමාලෝචනය කර, ඔබ ඉදිරිපත් කර ඇති තොරතුරු මත පදනම්ව තීරණයක් ගනු ඇත. මෙම ක්‍රියාවලියේදී, පැහැදිලි ප්‍රතිඵලයක් ලැබෙන තුරු එක්සත් රාජධානියේ “නීත්‍යානුකූලව” රැඳී සිටීමට ඔබට ඉඩ ඇත.

කෙසේ වෙතත්, කරුණාකර පහත කරුණු පිළිබඳ සැලකිලිමත් වන්න:

1. අයදුම් ක්‍රියාවලිය අතරතුර නීතිමය ලෙස රැඳී සිටීම: ඔබේ වත්මන් වීසා බලපත්‍රය හෝ අවසර පත්‍රය කල් ඉකුත් වීමට පෙර නව අයදුම්පතක් ඉදිරිපත් කර ප්‍රතිඵලය බලාපොරොත්තුවෙන් ඔබ සිටින්නේනම්, ස්වදේශ කටයුතු කාර්යාලය තීරණයක් ගන්නා තුරු ඔබ  එක්සත් රාජධානියේ නීත්‍යානුකූලව සිටින බව සාමාන්‍යයෙන් සලකනු ලැබේ.
   
2. කාලය ඉක්මවා රැඳී සිටීමේ අවදානම: ඔබ නීත්‍යානුකූල වීසා බලපත්‍රයක් නොමැතිව ඔබේ අයදුම්පත ඉදිරිපත් කරන්නේ නම්, ඔබේ අයදුම්පත පිළිගත්තද, ඔබ තවමත් ම කාලය ඉක්මවා රැඳී සිට ඇති බව සලකනු ලැබේ. මෙම අවස්ථාවේදී, ඔබේ අයදුම්පත ප්‍රතික්ෂේප කළහොත්, ස්වදේශ කටයුතු කාර්යාලය විසින් ඔබව රඳවා තබා ගැනීම හෝ පිටුවහල් කිරීම වැනි වැඩිදුර ක්‍රියාමාර්ග ගැනීමට ඉඩ ඇත. 
   
3. අභියාචනා හිමිකම්: ඔබගේ අයදුම්පත ප්‍රතික්ෂේප වුවහොත්,  අභියාචනා කිරීමට (appeal) හෝ පරිපාලන සමාලෝචනයක් (an administrative review) ඉල්ලීමට ඔබට සාමාන්‍යයෙන් අයිතියක් ඇත. අභියාචනය හෝ සමාලෝචන ක්‍රියාවලිය අතරතුර, අවසාන තීරණයක් ගන්නා තෙක් ඔබට සාමාන්‍යයෙන් එක්සත් රාජධානියේ රැඳී සිටිය හැක.
   
4. විශේෂ අවස්ථා: අයදුම්කරුට අපරාධ වාර්තාවක් තිබේ නම් සහ මාස 12ක් හෝ ඊට වැඩි කාලයක සිර දඬුවම් නියම කරනු ලැබ ඇත්නම්, අයදුම්කරු මහජන ආරක්ෂාවට තර්ජනයක් වන බවට ස්වදේශ කටයුතු කාර්යාලය සලකා බැලීමට එය හේතු වේ නම්, හෝ විශේෂ තත්ව යටතේ, ඉවත් කිරීමේ ක්‍රියාමාර්ග ආරම්භ කිරීමට වහාම පියවර ගැනීමට ඔවුන්ට හැක. එහෙත් මෙය කලාතුරකින් වන සහ වහා ක්‍රියාත්මක නොවන්නකි. එමෙන්ම අයදුම්කරුට තවමත් ස්වදේශ කටයුතු කාර්යාලයේ තීරණය සම්බන්ධව අභියාචනා කිරීමට අවස්ථාව තිබිය හැක.  

ඔබව රඳවා තබා ගත්ත ද, වහාම පිටුවහල් කිරීම ගැන කරදර නොවන්න. මක්නිසාද යත්, සාමාන්‍යයෙන් ක්‍රියාවලිය ආරම්භ කිරීමට කාලය ගතවන බැවිනි. එබැවින් ඉවත් කිරීමේ නියෝගය ඉවත් කර ගැනීමට සහ ඇප මත නිදහස් වීමට ඔබට තවමත් අවස්ථාවක් ඇත.

පවුල සහ පෞද්ගලික ජීවිතයට ඇති අයිතිය යටතේ legal status ලැබීම සඳහා අයදුම් කිරීමට මා වසර 20 කට වඩා වැඩි කාලයක් එක්සත් රාජධානියේ රැඳී සිටීමට සිදුවන්නේ ද?

පවුල සහ පෞද්ගලික ජීවිතයට ඇති අයිතිය (right to family and private life) යටතේ legal status ලැබීම සඳහා අයදුම් කිරීමට වසර 20 කට වඩා වැඩි කාලයක් රැඳී සිටීම අවශ්‍ය නොවේ.  (i.e., Article 8 of the European Convention on Human Rights).  අවුරුදු 20 ක පදිංචිය පිළිබඳ රීතිය එක් නිශ්චිත මාර්ගයක් පමණි. එක්සත් රාජධානියේ වසර 20 කට වැඩි පදිංචියක් නැති අයදුම්කරුවකුට වුව ද, වෙනත් කොන්දේසි සපුරන විට පෞද්ගලික ජීවිතයට ඇති අයිතිය යටතේ legal status සඳහා ඉල්ලුම් කළ හැක.

වසර 20 ක පදිංචිය සපුරන්නේ නැතිව අයදුම් කළ හැකි අවස්ථා කිහිපයක් මෙසේයි. 

1. ළමා කාලය/නව යොවුන් විය:

2. පවුලේ සාමාජිකයන්: 

• ඔබේ සහකරු හෝ දරුවා එක්සත් රාජධානියේ පුරවැසියෙකු වන්නේනම් හෝ ස්ථිර පදිංචිය ඇත්තෙකු නම්, ඔබ අවුරුදු 20කට අඩු කාලයක් ජීවත් වුවද, පවුල් සබඳතා මත legal leave to remain සඳහා ඉල්ලුම් කළ හැක. 

3. පෞද්ගලික ජීවිතය:

• වසර 20ක් ගත වී නොතිබියද, ඔබ එක්සත් රාජධානියෙහි ගැඹුරු සමාජීය හා සංස්කෘතික සබඳතා ගොඩනඟා ගෙන තිබේනම් සහ ඔබ උපන් රටට නැවත ගියහොත්, ජීවන පරිසරයට සහ සමාජ ජාලයට අනුවර්තනය වීම විශාල දුෂ්කරතා ගෙන එනු ඇති බැවින් පෞද්ගලික ජීවිතය පදනම් කරගෙන ඔබට පදිංචිය සඳහා ඉල්ලුම් කළ හැක. 

4. සුවිශේෂී අවස්ථා: 

• ඇතැම් සුවිශේෂී අවස්ථාවලදී, පවුල සහ පෞද්ගලික ජීවිතය මත පදනම්ව අයදුම් කිරීමට ඔබ සුදුසුකම් ලබන වෙනත් හේතු තිබිය හැක. උදාහරණයක් ලෙස, ඔබට බරපතල සෞඛ්‍ය ගැටලු තිබේ නම් සහ ඔබ උපන් රටට නැවත යාමෙන් ඔබේ සෞඛ්‍යය සැලකිය යුතු ලෙස නරක තත්වයකට හැරීමේ ඉඩක් තිබේනම්, එය අයදුම්පතක් යොමු කිරීමට අවස්ථාව ලැබෙන හේතුවකි.

එක් එක් සිදුවීම්හි සාර්ථකත්වය නිශ්චිත පුද්ගලික තත්ව සහ සාක්ෂි මත රඳා පවතී. එබැවින්, ඔබ එක්සත් රාජධානියේ වසර 20 ක් ජීවත් වී නැති වුවද, පවුල සහ පෞද්ගලික ජීවිතය මත පදනම්ව legal status සඳහා අයදුම් කිරීමට ඔබට තවමත් අවස්ථාව තිබිය හැක. 

සාර්ථක අවස්ථා

වඩා වැඩි ගණනක්, මගේ අයදුම්පත අනුමත වුවහොත්, සාමාන්‍ය තත්ව සහ අවශ්‍යතා මොනවාද?

පවුල සහ පෞද්ගලික ජීවිතයට වන හිමිකම් මත පදනම් වූ ඔබේ අයදුම්පත අනුමත වුවහොත්, ඔබට පහත සඳහන් ආකාරයේ පදිංචි තත්ත්වයක් සහ ඊට අදාළ කොන්දේසි හිමි වේ: 

1. Leave to Remain

• වලංගුභාවය: සාමාන්‍යයෙන්, මාස 30ක (අවුරුදු 2.5) leave to remain අවස්ථාවක් හිමි වේ. 
  
• අලුත් කිරීම: ආරම්භක මාස 30ක කාලය අවසන් වූ පසු, අලුත් කිරීමට ඉල්ලුම් කළ හැක. ඔබ මෙම වීසා බලපත්‍රය වසර 10ක් අඛණ්ඩව තබා ගතහොත්, ඔබට Indefinite Leave to Remain (ILR) සඳහා ඉල්ලුම් කළ හැක. අලුත් කිරීමේ කාලයේ දී, මුල් හේතුව මත ආගමන දෙපාර්තමේන්තුව විසින් ලබා දී ඇති පදිංචි බලපත්‍රය සපුරාලීම ද අවශ්‍ය වන අතර, ඇතැම් ලියකියවිලි ඉදිරිපත් කළ යුතුය. තත්වයන් වෙනස් වුවහොත්, ඔබට එක්සත් රාජධානියේ status ලබා දිය යුත්තේ මක්නිසාද යන්න ආගමන බලධාරීන්ට පැහැදිලි කිරීමට සාක්ෂි සැපයීමට ඔබට සිදුවනු ඇත. 
  
• රැකියා සහ අධ්‍යාපනය: මෙම කාල සීමාවේදී ඔබට එක්සත් රාජධානියේ නීත්‍යානුකූලව රැකියා කිරීමට සහ අධ්‍යාපනය ලැබීමට හැක. 
  
• ප්‍රතිලාභ සීමා කිරීම්: මෙම වර්ගයේ වීසා බලපත්‍රයක් සාමාන්‍යයෙන් “පොදු අරමුදල් සඳහා අදාළ නොවේ” යන කොන්දේසිය සහිතය. එනම් ඇතැම් රජයේ ප්‍රතිලාභ සඳහා ඔබට අයදුම් කළ නොහැක.
  
• පිටවීම: ඔබට status ලබා දුන් පසු, මව් රටට ආපසු ගොස් එක්සත් රාජධානියට නැවත ඇතුළු වීමට ද ඔබට හැක. (ඔබේ උපන් රටේ අවශ්‍යතාවලට යටත්ව). 

2. Indefinite Leave to Remain

• අලුත් කිරීම සඳහා කාලය: ඔබට limited residence බලපත්‍රයක් ඇති විට ඔබේ වීසා බලපත්‍රය නියමිත වේලාවට අලුත් කළ යුතු ය. එමෙන්ම ඔබේ පවුල හෝ පෞද්ගලික ජීවිතය සඳහා ආගමන දෙපාර්තමේන්තුවේ අවශ්‍යතා සපුරාලීම දිගටම කරගෙන යා යුතු වේ. 
  
• නොපැමිණෙන දින ගණන: වසර දහයක කාලයකදී, ඔබ සෑම මාස 12 ක කාලයකදීම දින 180 කට වඩා වැඩි කලක් එක්සත් රාජධානියෙන් පිටව නොයෑමේ අවශ්‍යතාවය සපුරාලිය යුතුය. ඔබ 2024 අප්‍රේල් 11 වන දිනට පෙර විදේශයක ජීවත් වූයේ නම්, ඔබට දින 548 කට වඩා එක්සත් රාජධානියෙන් බැහැරව සිටිය නොහැකි අතර මාස 12 ක දී දින 184 කට වඩා බැහැරව සිටිය නොහැක. 
  
• ඉංග්‍රීසි භාෂා ප්‍රවීණතා අවශ්‍යතා සහ එක්සත් රාජධානියේ ජීවිතය පිළිබඳ පරීක්ෂණය: ඔබට ඉංග්‍රීසි භාෂා ප්‍රවීණතා අවශ්‍යතා සපුරාලීමට අවශ්‍ය විය හැකි අතර, Life in the UK පරීක්ෂණය සමත් වීමට අවශ්‍ය වනු ඇත. වයස අවුරුදු 18 ට අඩු හෝ වයස අවුරුදු 65 ට වැඩි පුද්ගලයින් ඉහත අවශ්‍යතා සපුරාලීම අවශ්‍ය නොවේ. ඔබට ඉංග්‍රීසි භාෂා ප්‍රවීණතා අවශ්‍යතා සපුරාලීමට නොහැකි නම් සහ දිගු කාලීන ශාරීරික හෝ මානසික තත්වයක් හේතුවෙන් මෙම අවශ්‍යතා සපුරාලීමට නොහැකි නම්, මෙම අවශ්‍යතාවයෙන් නිදහස් වීම වෙනුවෙන් ස්වදේශ කටයුතු කාර්යාලයට අයදුම් කළ හැක. 
  
• අපරාධ වාර්තා නොතිබීමේ අවශ්‍යතාව: ඔබ එක්සත් රාජධානියේ නීතියට අනුකූල විය යුතු අතර ඔබේ පදිංචි වීමේ අයිතියට බලපාන ආඈආරයේ ඕනෑම අපරාධ ක්‍රියාවකින් වැළකී සිටිය යුතුය. 

එක් එක් අවස්ථාව සඳහා නිශ්චිත අවශ්‍යතා වෙනස් විය හැක. විශේෂයෙන් ඔබේ අයදුම්පතට විශේෂ තත්ව හෝ විශේෂ නියමයන් ඇතුළත් නම් එවැනි අවශ්‍යතා මතුවෙයි. ඔබ අනුමත වූ පසු ස්වදේශ කටයුතු කාර්යාලයේ අනුමත ලිපිය ප්‍රවේශමෙන් කියවා සියලු අවශ්‍යතා සපුරා ඇති බවත් ඔබේ status නිසි ලෙස කළමනාකරණය කර ඇති බවත් සහතික කර ගැනීමට ආගමන නීතිඥයෙකු සමඟ  ඉදිරි ක්‍රියාකාරී සැලැස්ම තහවුරු කිරීම නිර්දේශ කෙරේ. 

ඉහත සඳහන් දෙයට අයදුම් කිරීමට අවශ්‍ය නම්, මා සකස් කළ යුතු ලියකියවිලි මොනවාද?  

පවුල සහ පෞද්ගලික ජීවිතය මත පදනම්ව  (European Convention on Human Rights හි 8 වන වගන්තිය හරහා වැනි…) leave to remain සඳහා අයදුම් කරන විට, ඊට සහය දක්වන ලේඛන ගණනාවක් ඔබට සකස් කිරීමට සිදුවනු ඇත. රැඳී සිටීම සඳහා ඔබට ඇති හේතු ආගමන නීතියේ අවශ්‍යතා සපුරාලන බව පෙන්වීමට මෙම ලේඛන ඔබට උපකාරී වනු ඇත. ඔබට සකස් කිරීමට සිදු විය හැකි ලේඛනවල සාමාන්‍ය ලැයිස්තුවක් පහත දැක්වේ: 

1. අනන්‍යතාවය සහ පදිංචිය පිළිබඳ සාක්ෂි: 

• විදේශ ගමන් බලපත්‍රය: ඔබගේ අනන්‍යතාවය සහ එක්සත් රාජධානියට ඇතුළුවීමේ වාර්තා සනාථ කිරීමට ඔබගේ වත්මන් වලංගු විදේශ ගමන් බලපත්‍රය සහ ඕනෑම පැරණි විදේශ ගමන් බලපත්‍රයක් ඇතුළත්ව
  
• සා හෝ පදිංචි වීමේ අවසර පත: ඔබගේ වත්මන් වීසා බලපත්‍රයේ හෝ පදිංචි බලපත්‍රයේ පිටපත් (තිබේ නම්)
  
• උප්පැන්න සහතිකය: දරුවන් හෝ පවුලේ සාමාජිකයන් සම්බන්ධ වී ඇත්නම් අවශ්‍ය වේ.

2. පදිංචිය පිළිබඳ සාක්ෂි: 

• ලිපිනය පිළිබඳ සාක්ෂි: කුලී ගිවිසුමක්, උකස්කරයක් , බිල්පත් (උදා: උපයෝගිතා බිල්පත්, බැංකු ප්‍රකාශන, බදු ලේඛන ආදිය) වැනි ඒවා එක්සත් රාජධානියේ ඔබගේ පදිංචි කාලය සහ ලිපිනයේ ඉතිහාසය පෙන්විය යුතුය.
  
• පසුගිය වසර 20 සඳහා පදිංචි වාර්තා:  වසර 20ක පදිංචිය පිළිබඳ රීතිය යටතේ අයදුම් කරන්නේ නම්, පසුගිය වසර 20 ක පදිංචිය පිළිබඳ හැකි තරම් සවිස්තරාත්මක  වාර්තාවක් සැපයිය යුතුය. 

3. පවුල් සබඳතා පිළිබඳ සාක්ෂි: 

• විවාහය හෝ හවුල්කාරිත්වය පිළිබඳ සාක්ෂි: විවාහ සහතිකයක්, සිවිල් හවුල්කාරිත්ව සහතිකයක් හෝ සහජීවනය පිළිබඳ සාක්ෂි (උදා: ඒකාබද්ධ ගිණුම්, ඒකාබද්ධ කුලී ගිවිසුම් ආදිය)
  
• ළමා සබඳතා සාක්ෂි: උප්පැන්න සහතික, පාසල් වාර්තා, වෛද්‍ය වාර්තා ආදිය ඔබ සහ දරුවා අතර සබඳතාව සහ එක්සත් රාජධානියේ දරුවාගේ ජීවිතය සනාථ කිරීමට හේතු වෙයි
  
• පවුලේ සාමාජිකයින්ගේ අනන්‍යතාවය සහ පදිංචිය පිළිබඳ සාක්ෂි: පවුලේ සාමාජිකයින්ගේ විදේශ ගමන් බලපත්‍ර, වීසා හෝ පදිංචි බලපත්‍රවල පිටපත් ආදිය

4. පෞද්ගලික ජීවිතය පිළිබඳ සාක්ෂි

• සමාජීය හා සංස්කෘතික සබඳතා පිළිබඳ සාක්ෂි: රැකියා වාර්තා, අධ්‍යාපන සහතික සහ ප්‍රජා සහභාගීත්වය පිළිබඳ සාක්ෂි ආදිය (උදා: ස්වේච්ඡා ක්‍රියාකාරකම්, ප්‍රජා කණ්ඩායම්)
  
• වෛද්‍ය වාර්තා: සෞඛ්‍ය ගැටළු හෝ විශේෂ වෛද්‍ය අවශ්‍යතා තිබේ නම්, වෛද්‍ය සහතික, වෛද්‍යවරයාගේ ලිපි හෝ අදාළ වෙනත් ලියකියවිලි ලබාදිය යුතුය.
  
• ඔබේ මව් රටට ආපසු යාම නුසුදුසු බවට සාක්ෂි: ඔබේ මව් රටේ තත්ත්වය පිළිබඳ වාර්තා (ගැටුම්, වෙනස්කොට සැලකීම් හෝ වෙනත් අවදානම් පිළිබඳ සාක්ෂි ඇතුළත් විය හැක) සහ ඔබට හෝ ඔබේ පවුලට නැවත යාම පිළිබඳ ඇති ඍණාත්මක බලපෑම ආදිය.

5. මූල්‍ය තත්වය හා රැකියා පිළිබඳ සාක්ෂි

• මූල්‍ය තත්ත්වය පිළිබඳ සාක්ෂි: බැංකු ප්‍රකාශන, වැටුප් පත්‍රිකා, බදු ලේඛන, කුලී ආදායම පිළිබඳ සාක්ෂි හෝ වෙනත් ආදායම් මූලාශ්‍ර වැනි ඒවා
  
• රැකියා පිළිබඳ සාක්ෂි: රැකියා කොන්ත්‍රාත්, සේවායෝජකගේ ලිපි, P60 හෝ P45 ආකෘති පත්‍ර, නිදහස් කොන්ත්‍රාත්තු ආදිය.

6. සහාය ලිපි

• නීතිඥවරයෙකුගෙන් ලැබුණු ලිපියක්: ඔබට ආගමන නීතිඥයෙකු සිටීනම්, ඔබගේ අයදුම්පත්‍රයේ හේතු සහ නීතිමය පදනම විස්තර කරමින් ඔවුන්ට ලිපියක් ලිවිය හැක.
  
• පවුලේ අයගෙන්, මිතුරන්ගෙන් හෝ ප්‍රජාවෙන් ලැබුණු සහාය ලිපි:  එක්සත් රාජධානියේ ඔබේ සමාජීය සහ පවුල් සබඳතා තහවුරු කිරීමට මෙම ලිපි උපකාරී වේ. 

7. භාෂා ප්‍රවීණතාව පිළිබඳ සාක්ෂි (අදාළ වන්නේ නම්)

• ඉංග්‍රීසි ප්‍රවීණතාව පිළිබඳ සාක්ෂි: ඉංග්‍රීසි භාෂා පරීක්ෂණවලින් ලබාගත් සහතික (උදා: IELTS). ඔබ Indefinite Leave to Remain (ILR)  හෝ පුරවැසිභාවය සඳහා අයදුම් කරන්නේ නම් මේවා අවශ්‍ය විය හැක.

8. Life in the UK පරීක්ෂණය පිළිබඳ සාක්ෂි (අවශ්‍ය වන්නේනම්)

• Life in the UK පරීක්ෂණය: ස්ථිර පදිංචිය හෝ පුරවැසිභාවය සඳහා අයදුම් කරන විට, මෙම පරීක්ෂණය සමත් වූ බවට සාක්ෂි සැපයීමට අවශ්‍ය වනු ඇත.

9. අයදුම්පත් ගාස්තු පිළිබඳ සාක්ෂි

• අයදුම්පත් ගාස්තු ගෙවීම පිළිබඳ සාක්ෂි: අයදුම්පත් ගාස්තු ගෙවීම වෙනුවෙන් නිකුත් කරන රිසිට්පතක් වැනි. අයදුම්පත්‍රයේ වර්ගය සහ සංකීර්ණත්වය අනුව ගාස්තු වෙනස් විය හැක.

ඔබගේ අයදුම්පත ඉදිරිපත් කිරීමට පෙර, ආගමන කාර්යාලයෙන් නවතම අවශ්‍යතා පරීක්ෂා කර බලා සියලු ලියකියවිලි සම්පූර්ණ හා නිරවද්‍ය බව සහතික කර ගැනීමට වෘත්තීය ආගමන නීතිඥවරයෙකුගෙන් උපකාර ලබා ගැනීම සලකා බැලීම සුදුසු වේ. ඔබේ සාර්ථකත්වයේ අවස්ථා වැඩි වීමට ඉන් ඉඩ ලැබේ. 

සාර්ථක අවස්ථා

එක්සත් රාජධානියෙහි Further Leave to Remain (FLR) කාණ්ඩ කීයක් තිබේද?

Further Leave to Remain (FLR) යනු එක්සත් රාජධානියෙහි ඇති leave to remain දීර්ඝ කිරීමට හෝ අලුත් කිරීමට අදාළ පදිංචි බලපත්‍රයකි. අයදුම්කරුගේ තත්ව සහ අවශ්‍යතා අනුව FLR කාණ්ඩ කිහිපයකට බෙදේ. පහත දැක්වෙන්නේ ප්‍රධාන කාණ්ඩ වේ:

1. FLR(M) – කලත්‍රයා/සහකරු/පවුලේ සාමාජික වීසා

• කලත්‍රයන්, අවිවාහක සහකරුවන්, සමලිංගික සහකරුවන්, සිවිල් සහකරුවන් හෝ බ්‍රිතාන්‍ය පුරවැසියන්ගේ හෝ ස්ථිර පදිංචිකරුවන්ගේ සුදුසුකම් ලත් දරුවන්ට අදාළ වේ.
  
• බ්‍රිතාන්‍ය පුරවැසියන් හෝ ස්ථිර පදිංචිකරුවන් සමඟ පවුල් සබඳතා පවත්වා ගැනීම මත පදනම්ව අයදුම්කරුවන්ට further leave to remain සඳහා ඉල්ලුම් කළ හැක.

2. FLR(FP) – පවුල සහ පෞද්ගලික ජීවිතය

• පවුල් සබඳතා හෝ පෞද්ගලික ජීවිතය මත පදනම්ව අයදුම් කරන අයට අදාළය. බ්‍රිතාන්‍ය පුරවැසියන් හෝ ස්ථිර පදිංචිකරුවන් සමඟ විශේෂ සබඳතා ඇති අයදුම්කරුවන් හෝ දීර්ඝ කාලයක් එක්සත් රාජධානියේ ජීවත් වූ අය මෙයට ඇතුළත් වේ.
  
• දැඩි දුෂ්කරතාවලට මුහුණ දෙන අයට හෝ එක්සත් රාජධානියෙන් පිටව යන්නැයි ඉල්ලා සිටියහොත් ඔවුන්ගේ පවුල සහ පෞද්ගලික ජීවිත හිමිකම් උල්ලංඝනය වීමට ඉඩ ඇති අයටද අදාළ වේ.

• වෙනත් නිශ්චිත FLR කාණ්ඩවලට අයත් නොවන අයදුම්පත් සඳහා භාවිතා කෙරෙයි. මෙයට සරණාගතභාවය අපේක්ෂා කරන්නන්ගේ පවුලේ සාමාජිකයන්, වෛද්‍ය ප්‍රතිකාර සඳහා එක්සත් රාජධානියේ රැඳී සිටීමට අවශ්‍ය පුද්ගලයින් හෝ නිශ්චිත හේතූන් මත එක්සත් රාජධානියේ රැඳී සිටීම දීර්ඝ කිරීමට අවශ්‍ය පුද්ගලයින් ඇතුළත් විය හැකිය. 
  
• මෙම කාණ්ඩය පුළුල් පරාසයක අවස්ථා ආවරණය කරයි. එහෙත්  පැහැදිලිව නිර්වචනය කරන ලද වීසා මාර්ගයක් නැති අවස්ථාවන්ට සාමාන්‍යයෙන් අදාළ වේ.

3. FLR(O) – අනෙකුත් කාණ්ඩ

4.FLR (HRO) – මානව හිමිකම් සහ බාහිර කටයුතු

• මානව හිමිකම් හෝ ඒ හා සමාන හේතු මත අයදුම් කරන පුද්ගලයින්ට අදාළ වේ. සාමාන්‍යයෙන් පිටුවහල් කිරීමට මුහුණ දෙන එහෙත් එක්සත් රාජධානියේ රැඳී සිටීමට ප්‍රමාණවත් හේතු ඇති අය ඊට ඇතුළත්ය.
  
• මෙම අයදුම්පත් සාමාන්‍යයෙන් European Convention on Human Rights හෝ වෙනත් මානව හිමිකම් ආශ්‍රිත නීතිමය ප්‍රතිපාදන පදනම් වේ.

5. FLR (DL) – Temporary Residence Permit

• කලින් Discretionary Leave to Remain” (DLR) ලැබූ සහ   රැඳී සිටීම දීර්ඝ කිරීමට බලාපොරොත්තු වන පුද්ගලයින්ට අදාළ වේ.
  
• මෙම අවසර පත්‍රය සාමාන්‍යයෙන් ලබා දෙන්නේ වෙනත් ආගමන නීති සපුරා නැති වුව ද විශේෂ තත්ව හේතුවෙන් leave to remain ලබා දී ඇති පුද්ගලයින්ට යි.  උදාහරණයක් ලෙස සරණාගත ඉල්ලීම් ප්‍රතික්ෂේප කර ඇති නමුත් මානුෂීය හේතූන් මත පිටුවහල් කළ නොහැකි අය.

6. FLR(ILR) – Indefinite Leave to Remain පූර්ව අලුත් කිරීම

• Indefinite Leave to Remain (ILR) සඳහා අයදුම් කිරීමට ආසන්නව සිටින නමුත් තවමත් නිර්ණායක සපුරා නොමැති සහ ඒ අතරතුර ඔවුන්ගේ වත්මන් වීසා බලපත්‍රය දීර්ඝ කිරීමට අවශ්‍ය අයට අදාළ වේ.  
  
• උදාහරණයක් ලෙස, ඇතැම් පුද්ගලයින්ට ILR සඳහා අයදුම් කිරීමේ කොන්දේසි සපුරාලන තෙක්, වසර 5 ක පවුල් වීසා බලපත්‍රයක් හෝ අවුරුදු 10 ක දීර්ඝ පදිංචියක් සම්පූර්ණ කිරීමෙන් පසු leave to remain දිගු කිරීමට මෙම කාණ්ඩය භාවිත කළ හැක.

7. FLR(AF) – සන්නද්ධ හමුදා සාමාජිකයින් සහ ඔවුන්ගේ පවුල්

• බ්‍රිතාන්‍ය සන්නද්ධ හමුදා සාමාජිකයින්ගේ කලත්‍රයන්, හවුල්කරුවන් හෝ දරුවන්ට අදාළ වේ. හමුදා සාමාජිකයා සේවයේ යොදවා සිටියදී ඉහත අයට එක්සත් රාජධානියේ පදිංචිව සිටීමට ඉන් ඉඩ සලසයි.

FLR නිතර අසන ප්‍රශ්න 

1. FLR FP/FLR M සඳහා අයදුම් කිරීමට මා එක්සත් රාජධානියේ අඛණ්‌ඩව අවුරුදු 20 ක් පදිංචිව සිටිය යුතු ද? 

• නැත.  මානව හිමිකම් අයදුම්පත සඳහා සුදුසුකම් ලැබීමට ඔබ වසර 20ක් එක්සත් රාජධානියේ  පදිංචිව සිටීම අවශ්‍ය නොවේ. වසර 20ක් සම්පූර්ණ වූ විට පමණක් leave to remain සඳහා අයදුම් කළ හැකි බව පොදු වැරදි මතයකි. ඔබ වසර 20ක් මෙහි සිටියත් නැතත්, මෙහි සිටිය කාලයේ දී ඔබට ඒ හා සමානව ජයගත නොහැකි බාධා සහ මෙහි සිටි කාලයේ එක්සත් රාජධානියේ 8 වන ව්‍යවස්ථාවේ ඇති අයිතින් වර්ධනය  වී ඇති බව පෙන්වීමට සිදුවනු ඇත. 
  
  කෙටියෙන් කියන්නේනම්, ඔබ එක්සත් රාජධානියේ සමාජය සහ සංස්කෘතියට ඒකාබද්ධ වී ඇති බවත්, එක්සත් රාජධානියේ  ජීවත් වන අන් අය සමග කල් පවත්නා සබඳතා ගොඩනගා ගෙන ඇති බවත්, R v SSHD ex parte Razgar හි නියම කර ඇති සම්මය සපුරාලන බවටත් ඔබට සාක්ෂි දීමට හැකි නම්, සීමිත leave to remain සඳහා ඉල්ලුම් කිරීමට ඔබට හැකියාව ඇත. 

2. මගේ අයදුම්පත  ප්‍රතික්ෂේප කළත්, UK හි නීතිමය තත්ත්වය ලබා ගැනීම සඳහා නව අයදුම්පතක් යොමු කිරීමට මට තවමත් අවස්ථාව තියෙනවාද?  

• ඔබ ස්වදේශ කටයුතු කාර්යාලය සමග අඛණ්‌ඩව විවෘත සබඳතා තබා ගත යුතු වේ. එමෙන්ම ස්වදේශ කටයුතු කාර්යාලය වෙත ඔබගේ තත්වය සහ එම තත්වයන් යටතේ රීතිවලට පිටින් වන නිර්ණායක  සපුරාලන ආකාරය පිළිබඳව අවංකව කරුණු ඉදිරිපත් කිරීමක් ලබා දිය යුතු වේ.  එමඟින් ඔබට 8 වන ව්‍යවස්ථාව යටතේ හෝ  රීතිවලට පිටින් leave to remain ලබා දිය හැක. ඔබ මීට පෙර ප්‍රතික්ෂේප කර ඇති විට, ඔබගේ පෙර කැමැත්ත ප්‍රතික්ෂේප කිරීම ආරම්භක ස්ථානය ලෙස පවතිනු ඇත. එමෙන්ම අලුත් අයදුම්පතේ දී අලුත් සහ සලකා බැලිය හැකි හේතු ඉදිරිපත් කරමින්, කලින් ප්‍රතික්ෂේප කිරීමට හේතු වූ  සියලු කරුණු අප තර්කානුකූලව ආමන්ත්‍රණය  කළ යුතුය. 
  
  පෙර තීරණවලට අදාළ ලේඛන තබාගැනීම සහ ඒවා ඔබේ වර්තමාන නීතීඥවරුන් වෙත ලබාදීම වැදගත් වේ. එය බාධාවකින් තොරව ඔබේ කාර්යයට ප්‍රවේශය ලබා ගැනීමට සහ වඩාත් නිවැරදි නීති උපදෙස් දීමට උපකාරයකි. පෙර ප්‍රතික්ෂේපවීම් සඳහා සැලකිය යුතු ලෙස පිළිතුරු දී ඇති විට, වත්මන් සුදුසුකම් සලකා බැලීමට ස්වදේශ කටයුතු කාර්යාලය කැමති වනු ඇත. ඒවා පොදු නීතිය යටතේ වන අවශ්‍යතා සපුරන විට වසර 10ක මාර්ගය මත UK හි රැඳී සිටීමට ඔබට මාස 30 ක සීමිත leave to remain ලබා දිය හැක. 

3. ස්වදේශ කටයුතු කාර්යාලය මගින් මා කලින් ප්‍රතික්ෂේප කර තිබේනම්, ඉදිරියේ දී මට අඩු අවස්ථා ලැබීමට එය හේතු වෙනවාද?  

• කිසිසේත් නැත. කලින් ප්‍රතික්ෂේප කිරීම් ඔබේ අලුත් අයදුම්පතට බලපෑමක් කළ ද, එය ඔබේ අලුත් අයදුම්පතේ සුදුසුකම් අඩු කරන්නේ නැත. ස්වදේශ කටයුතු කාර්යාලයේ ඇති හැම අයදුම්පතක්ම ඔබේ ආසන්නතම තත්ව සමග සලකා බැලෙයි. ස්වදේශ කටයුතු කාර්යාලයට අයදුම්පතක් ඉදිරිපත් කිරීමට පෙර, ඔබගේ කාරණය තේරුම් ගැනීමට සහ කුසලතා ලබාගැනීමට හැකියාව ඇති බව සහතික කිරීමට උපදෙස් ලබා ගැනීමට අපගේ නීතිඥ කණ්ඩායම කාලය ලබාගනු ඇත. ඉන් අදහස් කෙරෙන්නේ හැම  කටයුත්තක්ම අනන්‍ය භාවිතයක් සහ සෑම එකක්ම සිය කුසලතා මත පදනම්ව සකස් කරන බවයි.  
  
  තනි පුද්ගල කටයුතු ගොඩ නැගීම අපගේ සේවාදායකයාගේ කාරණය ස්වදේශ කටයුතු කාර්යාලයේ සලකා බැලීමට සම්පූර්ණයෙන් ඉදිරිපත් කිරීමට අපට ඉඩ සලසයි. එහි අදහස වන්නේ කලින් ප්‍රතික්ෂේප කිරීම් ආවරණය කර අපේ පැහැදිලි කිරීම්, ස්වදේශ කටයුතු කාර්යාලය වෙත අප ලබා දෙන බවයි. එවිට වත්මන් අයදුම්පතේ ලකුණු අඩු නොවේ. එසේ වූ විට හැම කටයුත්තකටම සාර්ථක වීමේ සම්පූර්ණ හැකියාව ඇත. කාරණය වඩා සංකීර්ණ වූ විට, අභියාචනයකට යාමට වුවහොත් First tier Tribunal හි හොඳම ස්ථානයක සිටීමට අපගේ ක්‍රමවේද ඉඩ සලසයි. 

4. මම UK හි අවුරුදු 15 කට වඩා රැඳී සිටින අතර, මෑතක දී මගේ අයදුම්පත ප්‍රතික්ෂේප වුණා. මා හට අලුත් අයදුම්පතක් ඉදිරිපත් කිරීමට වසර 20 දක්වා සිටිය යුතු ද? එය මගේ සාර්ථකත්ව අවස්ථා වැඩි කරනවාද?  

• වසර 15 කට පසු ප්‍රතික්ෂේප වුවත් නව අයදුම්පතක් යොමු කිරීමට ඔබ වසර 20 දක්වා බලා සිටිය යුතු නැත. වසර 15 පදනම මත මානව හිමකම් අයදුම්පතක් සඳහා ඔබට ජයගත නොහැකි බාධක ඇති බව ස්වදේශ කටයුතු කාර්යාලය වෙත පෙන්විය යුතුය. ඔබ ප්‍රතික්ෂේප වීමෙන් ඔබේ අයදුම්පතට කිසිදු සුදුසුකමක් නැති බව අදහස් නොවේ. එහෙත් ජයගත නොහැකි බාධක සඳහා තර්ක කිරීමට කරුණු සහ තර්ක වර්ධනය  කරගත යුතුය. සෑම ප්‍රතික්ෂේප කිරීමකටම පසු ඔබේ නව අයදුම්පතේ ආරම්භක ලක්ෂ්‍යය එක ප්‍රතික්ෂේප කිරීම මත පදනම් වේ. එනිසා ඔබේ ඕනෑම නව අයදුම්පතකින් පූර්ව අයදුම්පතේ ප්‍රතික්ෂේපිත කරුණු ආමන්ත්‍රණය කළ යුතුය. 
  
  නව අයදුම්පතට වසර 20 දක්වා බලා සිටීමට ඔබ තීරණය කරන්නේනම්, ඔබට ජයගත නොහැකි බාධක සහ මෙහි සිටි කාලයේ UK හි 8 වන ව්‍යවස්ථාවේ ඇති අයිතීන් වර්ධනය වී ඇති බව පෙන්වීමට සිදුවේ. ඊට අමතරව, ඔබ මෙහි සිටි වසර 20 ක කාලයේ සෑම වසරකම ඔබේ පදිංචිය පිළිබඳ සාක්ෂි ඉදිරිපත් කරන ලෙස ඔබෙන් ඉල්ලිමක් කෙරෙනු ඇත. එනිසා ඔබේ ඒක පුද්ගල තත්වය හෝ ඔබ අඛණ්ඩව වසර 20 ක් UK හි සිටින බව තහවුරු කළ හැකි ද යන්න මත පදනම් ව ඔබේ සාර්ථකත්වයේ අවස්ථා වැඩි නොවීමට ඉඩ ඇත. කෙටියෙන් කිවහොත්, ඔබ UK සමාජය සහ සංස්කෘතියට ඒකාබද්ධ වී ඇති බවත්, UK හි ජීවත් වන අන් අය සමඟ දිගුකාලීන සබඳතා ගොඩනගා ගෙන ඇති බවත්, ඔබේ හැරී යාමට ජයගත නොහැකි බාධක  ඇති බවත් පෙන්වීමට සාක්ෂි ලබා දිය හැකිනම් වසර 20 ක් ගතවන තුරු නොසිට සාර්ථක අවස්ථාවක් පවත්වා ගැනීමට ඔබට තවමත් ඉඩ තිබේ. 

5. FLR FP මාර්ගය මත මට අවසර ලැබී ඇත. වැඩි කාලයක් රැඳී සිටින අයකු සමග මට සබඳතාවක් ද ඇත. අපගේ සබඳතාව මත පදනම්ව මගේ සහකරුට ට FLR M හෝ කලත්‍රයා සඳහා වීසා (spouse visa) වෙනුවෙන් අයදුම් කළ හැකි ද? 

• නැත. ඔබේ සහකරුට FLR M හෝ  spouse visa සඳහා අයදුම් කළ නොහැක. ඔබ FLR FP මාර්ගය මත පමණක් අවසර ලබා ඇති නිසා සබඳතා අවශ්‍යතා සපිරීම අවශ්‍ය නොවේ. කෙසේ වෙතත්, ඔබ සමග ඇති සබඳතාව සහ UK හි ඔබ ස්ථානිය කර ඇති පවුල් ජීවිතය මත පදනම්ව ඔබේ සහකරුට FLR FP සඳහා අයදුම් කිරීමට හැකියාව ලැබීමට ඉඩ තිබේ. FLR FP යනු 8 වන ව්‍යවස්ථාව මත පදනම් වූ UK හි පවුල සහ පෞද්ගලික ජීවිතයට අදාළ මානව හිමිකම් අයදුම්පතකි. ඔබ වසර 20 කට අඩු කාලයක් UK හි සිටී නම්, ඔබේ සහකරුට UK අතහැර යාමට සිදු වුවහොත් ඔබට සහ ඔබේ සහකරුට ජයගත නොහැකි බාධකවලට මුහුණ දීමට සිදු වන බව පෙන්වා දීමෙන්  මෙම පදනම මත අයදුම් කිරීමට ඉඩ ලැබිය හැකිය.  
  
• FLR FP අයදුම්පතකදී ඔබේ පවුලේ සහ පෞද්ගලික ජීවිතයේ සියලු අංශ සලකා බලනු ඇත. ඔබේ හැරී යාමට ජයගත නොහැකි බාධා ඇති බව පෙන්වීමට ඔබ සහ ඔබේ සහකරු සමත් වුවහොත් ඔබ සමග ඇති සබඳතාව මත පදනම්ව සීමිත leave to remain සඳහා අයදුම් කිරීමට ඔබේ සහකරුට හැකියාව තිබේ. 

6. මා සහ මගේ සහකරු මෙහි සිටින්නේ දිගු කාලයක සිටයි. අපි මෑතක දී දරුවකු බිහි කළා. මෙය මගේ සහ සහකරුගේ අයදුම්පත්වල ශක්තිමත් බව වැඩි කරනවාද? 

• UK හිදී දරුවකු බිහි කිරීම ඔබේ පවුලට UK හි රැඳී සිටීමට ස්වයංක්‍රීය අයියියක් නොදෙයි. නෛතික තත්වය නොමැති සහකරුවන්ගෙන් උපත ලැබූ දරුවකුට ඔවුන්, ස්ව අයිතිය මගින් සුදුසුකම් ලබා අයදුම්පතක් ඉදිරිපත් කරන තෙක් UK හි  කිසිදු නෛතික තත්වයක් ලැබෙන බවට සහතික කෙරෙන්නේ නැත. 
  
  UK හි දරුවකු උපත ලැබූ විට, දෙමාපියන්ගේ ජාතිකත්වය, දෙමාපියන් තමන් උපත ලැබූ රටවලින් පිටත් වූ කාලය සහ දරුවාට පුරවැසිභාවය තිබේද නැද්ද ආදී ලෙස කරුණු ගණනක් ස්වදේශ කටයුතු කාර්යාලය විසින් සලකා බලනු ලබයි. ඒ අනුව, UK හිදී දරුවකු බිහි කිරීම ඔබ සහ ඔබේ සහකරුගේ අයදුම්පත්වල ශක්තිමත් බව ඉහළ දමන්නේ නැත. කෙසේ වෙතත්, අදාළ දරුවාගේ උපරිම යහපත ද ඇතුලත්ව ඔබ සහ ඔබේ සහකරුගේ පවුල සහ පෞද්ගලික ජීවිතයට අදාළ බොහෝ කාරණා ස්වදේශ කටයුතු කාර්යාලය සැලකිල්ලට ලක් කරයි.

7. UK හි වසර 20 ක් සිටි බවට මා සතුව කිසිදු සාක්ෂියක් නැත. අවසරය ලැබීමට මට තවමත් අවස්ථාව තිබේද? 

• ඔව්. ඔබට හැකියි. එසේ වුව ද, පදිංචිය පිළිබඳ සාක්ෂි අයදුම්පතට ප්‍රයෝජනවත් ය. එහෙත් එය එකම තීරණාත්මක සාධකය වන්නේ නැත. අයදුම්පත සාර්ථක වීමටනම්, ඔබ වසර 20 සඳහාම පදිංචිය තහවුරු කිරීමේ සම්පූර්ණ සාක්ෂි ලබාදිය යුතු ම බව පොදු වැරදි මතයකි. ඔබ වසර 20 ක් UK හි ශාරීරිකව සිටිය බව තහවුරු කළත් නැතත්, UK හි පෞද්ගලික සහ පවුල් ජීවිතයක් වර්ධනය කර ඇති බවත්, නැවත යාමට අවශ්‍ය වුවහොත්,  සමාජයට ඒකාබද්ධ වීමේ දී ජයගත නොහැකි බාධකවලට මුහුණ දීමට සිදුවන බවත්, අයදුම්පත ප්‍රතික්ෂේප කිරීම 8 වන ව්‍යවස්ථාවේ අයිතීන් කඩ කිරීමට සමාන බවත් පෙන්වා දීමට ඔබට සිදු වේ. 
  
  සාරාංශයක් ලෙස, වසර 20 ක් UK හි සිටින බවට සාක්ෂි නැති වීම ඔබේ අයදුම්පත ස්වයංක්‍රීයව ප්‍රතික්ෂේප  වීමට හේතුවක් නොවේ. වඩා වැදගත් වන්නේ ඔබ බ්‍රිතාන්‍ය සමාජයට ඒකාබද්ධ වී ඇති බවත්, UK හි වෙසෙන අනිත්‍ අය සමග අර්ථාන්විත සබඳතාවක් පවත්වාගෙන යන බවත් පෙන්වා දීම ය. 

8. මම කලින් ව්‍යාජ නමක් පාවිච්චි කර තිබේ. එය මට ඍණ බලපෑමක් වනවාද? 

• ඔව්. එය යම්තාක් දුරකට අයදුම්පතටඑකට ඍණ බලපෑමක් වනු ඇත. ඊට හේතුව සංක්‍රමණ රීති යටතේ වන අවශ්‍යතා සපිරීම, ප්‍රතික්ෂේප කිරීමට අදාළ වීමයි. එහෙත් අතීතයේ දී ව්‍යාජ නමක් භාවිත කිරීම මානව හිමිකම් ආදී කරුණු පදනම් කරගෙන සාධාරණීකරණය කිරීමට ඔබට හැකිනම්, ප්‍රතික්ෂේප කිරීමේ හේතු සඳහා එය ව්‍යතිරේකයක් වනු ඇත. අතීතයේ දී අයදුම්කරුගේ සියලු තේඅව සහ ව්‍යාජ නමක් යොදා ගැනීමට සුවිශේෂ හේතු තිබේද යන්න සලකා බැලීමට ස්වදේශ කටයුතු කාර්යාලය බැඳී සිටී.

9. මම UK වෙත නීති විරෝධීව පැමිණි කෙනෙක්. මට ගමන් බලපත්‍රයක් නැති අතර, මා පිළිබද කිසිදු තොරතුරක් ස්වදේශ කටයුතු කාර්යාලයේ නැත. මෙයින් අදහස් වන්නේ UK හි රැඳී සිටීමට කිසිදු අයදුම්පතක් යොමු කිරීමට මට නොහැකි බවද? 

• නැත. ඔබ UK වෙත නීති විරෝධීව පැමිණිය ද, ගමන් බලපත්‍රයක් නොමැති වුව ද, ආගමන විගමන වාර්තා නැති වුව ද ඔබට තවමත් UK හි රැඳී සිටීමට අයදුම්පතක් ඉදිරිපත් කර සාර්ථක විය හැක. ඔබ UK හි ශාරීරිකව රැඳී සිටින බව පෙන්වීමට පදිංචිය පිළිබඳ හැකිතාක් සාක්ෂි ඉදිරිපත් කිරීමෙන්, බ්‍රිතාන්‍ය සමාජයට ඒකාබද්ධ වී ඇති බව සහ නැවත යාමේ අවශ්‍යතාවක් මතුවුවහොත් ජයගත නොහැකි බාධකවලට මුහුණ දීමට සිදුවන බව පෙන්වමින් අයදුම්පතක් ඉදිරිපත් කිරීමට තවමත් අවස්ථාව තිබෙන බව වැදගත් කරුණකි. 
  
  සාරාංශයක් ලෙස, වාර්තා නොමැතිව වුව ද අයදුම්පතක් යොමු කිරීමට හැකියාව තිබේ. UK හි පෞද්ගලික සහ පවුල් ජීවිතයක් වර්ධනය කර ඇති බවත්, UK හි රැඳී සිටීමට අවසර නොදීම 8 වන ව්‍යවස්ථාවේ අයිතීන් කඩ කිරීමට සමාන වන බවත් පෙන්වා දිය යුතුය. 

10. මම සිටින්නේ spouse visa මතයි. එහෙත් සහකරු සමග මගේ සබඳතාව බිඳ වැටී ඇත. මෙය UK හි මගේ  තත්ත්වයට බලපානවද? මට අලුත් සහකරුවෙක් සිටිනවානම්, එම සබඳතාව මත පදනම්ව මගේ visa දිගු කළ හැකිද? නැතිනම් එය අලුත් අයදුම්පතක් ලෙස සලසනවා ද? 

• ඔබ UK හි රැඳි සිටින්නේ Spouse visa මත සහ ඔබ දෙදෙනාගේ සබඳතාව අවසන් වී ඇතිනම්, ඔබේ වීසා බලපත්‍රයට එය බලපෑමක් කරයි. එම සබඳතාව මත ඔබේ visa පදනම්ව තිබීම නිසා ඔබ ඒ ගැන UK ස්වදේශ කටයුතු කාර්යාලය දැනුවත් කළ යුතුය. එවිට ස්වදේශ කටයුතු කාර්යාලය ඔබේ වීසා කපා හැරීමට හෝ කෙටි කිරීමට ඉඩ ඇති අතර ඔබට UK වෙතින් පිටවීමට හෝ එහි රැඳී සිටීමට විකල්ප අයදුම්පතක් යොමු කිරීමට සීමිත කාලයක් ලබාදෙනු ඇත.  
  
• ඔබට නව සහකරුවකු  සිටීනම්, එම සබඳතාව මත පදනම්ව spouse visa යටතේ අලුතින් අයදුම් කිරීමට හැක. පෙර visa බලපත්‍රය කලින් සහකරු සමග බැඳී ඇති බැවින් මෙය සැලකෙන්නේ නව අයදුම්පතක් ලෙසිනි. (දිගු කිරීමක් නොවේ.) ආගමන විගමන රීති යටතේ ව්‍යතිරේක අදාළ නොවන්නේනම්, මූල්‍ය, භාෂා, සහ සබඳතා කාණ්ඩ යටතේ වන සියලු සුදුසුකම් ලැබීමේ අවශ්‍යතා ඔබ සම්පූර්ණ කළ යුතුය. 

11. ස්වදේශ කටයුතු කාර්යාලය වෙත අයදුම්පත් ගාස්තු ගෙවීමට තරම් ප්‍රමාණවත් මුදලක් මා සතුව නැත. මට අයදුම් කිරීමට තවමත් වෙනත් ක්‍රමයක් තිබේද? 

• ඔබට අයදුම්පත් ගාස්තු ගෙවිය නොහැකිනම්, ඔබේ අයදුම්පත හා සම්බන්ධ ගාස්තු අත්හැරීමට ගාස්තු නිදහස් කිරීමේ අයදුම්පතක් (fee waiver application) යොමුකළ හැක. අයදුම්පත සාර්ථක නම්, ගාස්තු ගෙවීමකින් තොරව අයදුම්පත ඉදිරියට ගෙන යාමට ඔබට ඉඩ සලසමින් අයදුම්පත් ගාස්තු සහ ආගමන විගමන සෞඛ්‍ය අධිභාරය අතහැරීමට ඔබට හැක. ගාස්තු ගෙවීමට නොහැකි බව හෝ ගෙවීමට සිදු වුවහොත් අසරණභාවයට පත්වන බව ඔබ ඔප්පු කළ යුතු වේ.  
  
• ස්වදේශ කටයුතු කාර්යාල ගාස්තු ගෙවීමට නොහැකි බව පෙන්වීමට ඔබ පහත සඳහන් දේ ඔප්පු කළ යුතුය. 
  • ඔබ සහ ඔබේ අනුග්‍රාහකයාට ලැබෙන ආදායම (වැටුප, වෙනත් ප්‍රතිලාභ හෝ අන් අයගෙන් ලැබෙන උදව්) සහ ඔබේ මාසික වියදම් අනුව ඔබට ඉතිරි කළ හැක්කේ කෙතරම් මුදලක් ද යන්න. එය පැහැදිලි කිරීමට බැංකු ප්‍රකාශන, රිසිට් පත් සහ වැටුප් පත් ආදිය ඉදිරිපත් කළ යුතු වේ. 
  • නිතිපතා ලැබෙන ආදායම් සහ වියදම් ඕනෑම එකක් වගුගත කර ඉදිරිපත් කිරීම. 
  • ස්වදේශ කටයතු කාර්යාල ගාස්තු ගෙවීමෙන් දරුවන්ට වන බලපෑම. 
    
• ස්වදේශ කටයුතු කාර්යාලය පහත කරුණු විශ්වාස කරන්නේනම්, අයදුම්පත ප්‍රතික්ෂේප කළ හැකි බව කරුණාවෙන් සලකන්න. 
  • ඔබ, ඔබේ තත්ව ගැන පිළිගත හැකි තොරතුරු දී නැති බව 
  • අත්‍යවශ්‍ය නොවන දේ සඳහා ඔබ මුදල් වියදම් කර ඇති බව  
• ගාස්තු සහනයක් ලබා දෙන්නේනම්, අයදුම්පත  සඳහා නොමිලේ අයදුම් කිරීමට ඉඩ සලසන කේතයක් ඔබට ලැබෙනු ඇත. ඔබට එය කිරීමට වැඩ කරන දින 10 ක කාලයක් හිමි වේ. 
  
  ගාස්තු සහනයක් දීම ප්‍රතික්ෂේප වුවහොත්, ප්‍රතික්ෂේප කිරීමේ කරුණු ආමන්ත්‍රණය කරමින් අලුතින් ගාස්තු නිදහස් කිරීමේ අයදුම්පතක් යොමු කිරීමට හැකියාව ඇත. නැතිනම් ස්වදේශ කටයුතු කාර්යාලය වෙත ගාස්තු ගෙවා අයදුම්පතක් ලබාදීමට ඉඩ තිබේ. 

12. මම UK හි වැඩි කාලයක් රැඳී සිටින අතර මට බ්‍රිතාන්‍ය සහකරුවෙක් සිටී. එහෙත් මගේ සහකරු රැකියාවක් නොකරයි. අපට ආදායමක් නැති නිසා මට   UK හි රැඳී සිටීමට අයදුම්පතක් යොමු කළ නොහැකි බව ඉන් අදහස් වේද?

• නැත. ඔබට වෙනත් විකල්ප මාර්ග ඔස්සේ මූල්‍ය සපිරිය හැකිනම් තවමත් ඔබට අයදුම්පතක් යොමු කිරීමට අවස්ථාව තිබේ. උදාහරණ ලෙස ඉතිරි කිරිම් සහ පොදු ප්‍රතිලාභ ආදිය දැක්විය හැක. 
  
  පළමුව ඉතුරුම් සලකා බලමු. ඔබේ බැංකු ගිණුමෙහි අවම වශයෙන් මාස 6 ක් සඳහා නිශ්චිත මුදලක් ඉතිරි කර ඇතැයි පෙන්වීම මූල්‍ය අවශ්‍යතා  සපිරීමට උදව් වනු ඇත. බැංකු ප්‍රකාශන හෝ ඔබට අරමුදල් ලබාදුන් පුද්ගලයා මාර්ගයෙන් මෙම මාස 06 ක ඉතුරුම් ඔබට සහතික කළ හැක. ස්වදේශ කටයුතු කාර්යාලය මගින් හඳුන්වා දී ඇති සූත්‍රය මගින් නිශ්චිත මුදල ගණනය කෙරේ. නිශ්චිත ඉතුරුම් ප්‍රමාණය පවුම් 16,000 ක එකතුවක් සහ ඔබේ සහකරු උපයන මුදල සහ අවම මූල්‍ය අවශ්‍යතාව අතර මුදලේ වෙනස මෙන් 2.5 ගුණයකි. එය මේ අවස්ථාවේ දී පවුම් 29,000ක් වේ.  
  
  ඔබේ සහකරුට කිසිදු වැටුප් ආදායමක් නොමැතිනම්, එහි අදහස වන්නේ ආදායම පවුම් 0 ක් සහ වෙනසේ 2.5 ක අගය පවුම් 72,500 ක් බවයි. ඊට පවුම් 16,000 එකතු වූ විට පවුම් 88,500 කි. 
  
  ඔබේ සහකරු partner route අයදුම්පත මත මූල්‍ය අවශ්‍යතා සපුරා ඇති බව සලකන ඇතැම් ආකාරයේ ප්‍රතිලාභ ද ඇත:  
  • -ආබාධිත ජීවන දීමනා 
  • -රැකවරණ දීමනා 
  • -පුද්ගලික ස්වාධීන ගෙවීම
    ආදිය උදාහරණ ලෙස දැක්විය හැක. 

සේවා ගැනුම්කරුවන්ගේ අදහස්